ټاکل شوې، چې د چین د اکمالاتي ځنځير د پرمختيا څلورم نړیوال نندارتون به د جون له ۲۲ مې تر ۲۶ مې نېټې پورې د چين په پلازمېنه بېجينګ کې ترسره شي. د چين د سوداګرۍ د پرمختيا ټولنې مسئول ويلي، چې د دغه نندارتون له يوې ورځې وړاندې به د اېپيک (APEC) يا د اسيا او ارام سمندر سيمې د اقتصادي همکاريو سازمان د صنايعو او سوداګرۍ د مشرانو فورم په بېجينګ کې ترسره شي.
د معلوماتو له مخې دغه فورم به پر څلورو برخو (پرانيستونکو مراسمو او دريو ځانګړو سمينارونو) ووېشل شي، او پر مهال به يې د اسيا او ارام سمندر سيمې د ازادې سوداګرۍ زونونو او د دې سيمې د اتصال په اړه د مهمو اعلاميو د پلي کېدو وضعيت ته بيا کتنه وشي، څو د صنعتي او سوداګريزو سکتورونو رغنده وړانديزونه راټول او د اېپيک د مشرانو غير رسمي غونډې ته وړاندې شي.
