تېر ۲۴ ساعته؛ کرونا وبا روسیه کې نږدې ۷۰۰ کسان مړه کړي

راپورونه وایي چې په تېرو ۲۴ ساعتونو کې په روسیه کې پر کرونا اخته ۶۹۷ کسان مړه شوي دي. د فرانسې خبري اژانس د راپور له مخې، نن پنځمه ورځ ده چې په روسیه کې د دلتا په نامه د کرونا د نوې بڼې له امله د مړو تر ټولو لوړ شمېر ثبتېږي. راپور کاږي چې دغه راز په همدې موده کې په دغه هېواد کې د کرونا وبا ۲۴ زره او ۴۳۹ نورې مثبتې پېښې ثبت شوې دي، دا د جنوري مياشتې راپديخوا تر ټولو لوړه ورځنۍ شمیره ده. د ویلو ده چې په روسیه کې د کرونا وبا د خپريدو له پیله تر اوسه څه باندې ۵ نیم ميلیونه کسان پر کرونا وبا اخته شوي چې له دې ډلې ۱۳۷ زره او ۲۶۲ کسانو يې خپل ژوند بایللی دی.