خوست؛ د چرګانو فارمونو په شمېر کې زیاتوالی راغلی دی

د خوست ولایت د کرنې ریاست مسوولین وایي، چې په دغه ولایت کې د غوښینو او هګیو چرګانو د فارمونو په شمېر کې د پام وړ زیاتوالی راغلی دی. د مسوولینو په خبره د کرنې، اوبولګولو او مالدارۍ ریاست د حیواني روغتیا او مالدارۍ آمریت تر چتر لاندې فارم لرونکو ته د روزنې آسانه لارو ښودل، منظمه درملنه، او د پالنې وسایلو وېش هغه عوامل دي، چې ګڼ پانګه وال یې هڅولي دي، څو د چرګانو فارمونه جوړ کړي. د ځایي چارواکو په خبره دا مهال په خوست کې د فارمونو شمېر د یو هچري فارم په ګډون نږدې ۱۱۰۰ ته رسېږي، چې د غوښو او هګیو د بازار اړتیا تر ډېره پوره کوي.