د اسيا او ارام سمندر لوړ پوړي رسنيز فورم د سپتمبر په ۵مه نېټه د چين د ګوانګ دونګ ولايت په شن جن ښار کې پرانيستل شو. د دغه فورم د پرانيستلو په مراسم کې د اسيا او ارام سمندر لوړ پوړي رسنيز فورم د شن جن موافقه خپره شوه.
په دغه موافقه کې د اسيا او ارام سمندر د اقتصادي همکاريو سازمان يعنې اپيک د دې سيمې د اقتصادي همکاريو لپاره ډېر لوی او اغېزمن ميکانيزم بلل شوی او ويل شوي، د جوړېدو له ۳۰ کلونو راهيسې، اپيک د اسيا او ارام سمندر د ازادې سوداګرۍ سيمې نقشه جوړولې، د د دې سيمې ټولنې د جوړولو هڅونه يې کړې او د اسيا او ارم سمندر سيمې لارښوونه يې کړې چې د نړيوال ورخلاصون پرمختګ په سر کې ځای ونيسي او د نړيوال اقتصاد تر ټولو ځواکمنه سيمه وګرځي.
په دغه سند کې راغلي: موږ غواړو خبرې اترې او تبادلې ژورې ، خپلمنځي همکارۍ پياوړې کړو او د اسيا او ارام سمندر د سمسورتيا او پرمختګ لپاره خدمتونه وکړو.
په ياد فورم کې ګډونوالو هم ويلي، چې ورخلاصون، نوښت او همکاري د اسيا او ارام سمندر سيمې د سمسورتيا لپاره ستر اهميت لري.
