د امریکا د فېډرال رزرو ادارې مشر کېوین مکسوېل وارش د جولای په ۱۴مه نېټه د دغه هېواد د استازو جرګې د مالي خدمتونو کمېټې يوې غونډې ته ويلي، چې په هېواد کې لوړ انفلاسیون يا د پيسو پړسوب د امریکايي کورنیو او سوداګرو لپاره د اوږو دروند بار ګرځيدلی او پر شرکتونو يې دروند اقتصادي فشار راوستلی دی.
نوموړي ويلي، فېډرال رزرو په هېواد کې د بيو د ثبات لپاره هڅې کوي، خو موخې ته د رسېدو لپاره لا هم ډېر کار ته اړتيا لري.
د امريکا د کانګرېس د قانون له مخې، فېډرال رزرو بايد تر خپلې وسې پورې د کارموندنې د زياتوالي او د توکو د بيو ثبات وساتي.
يادې ادارې په وروستيو کلونو کې هڅه کړې، چې د پيسو د پړسوب کچه شاوخوا ۲ سلنې ته راکمه کړي او په همدې کچه کې يې وساتي.
شمېرې ښيي، د ۲۰۲۱م کال له مارچ راهيسې، د امريکا د مصرفوونکو د بيو شاخص (CPI) هر کال له ۲ سلنې څخه ډېر لوړ شوی دی.
