د ترکیې د بهرنیو چارو وزیر ایران ته سفر کړی

د ترکیې د بهرنیو چارو وزیر هاکان فیدان او ورسره مل پلاوی نن تهران ته ورسېد ترڅو د دوه اړخیزو اړیکو، سیمه ییزو پرمختګونو او مهمو نړۍوالو مسلو په اړه له ایراني چارواکو سره خبرې اترې وکړي. د ایراني رسنیو د راپورونو له مخې، دغه ترکي چارواکي تر دې دمه د ایران د بهرنیو چارو وزیر عباس عراقچي سره لیدلي او ټاکل شوې ده چې له یو شمېر نورو ایراني چارواکو سره هم وګوري. مخکې له دې، پاکستاني رسنیو راپور ورکړی چې د کابل او اسلام آباد ترمنځ د کړکیچونو د حل لپاره به یو ترکي پلاوی پاکستان ته سفر وکړي.