د تکلماکان صحرا په شاوخوا کې د شګو او ریګېنو د مخنيوي او د ايکلوژيکي چاپيريال ساتنې پروژه د نومبر په ۲۸مه نېټه بشپړه شوې، دا د انسان په تاريخ کې د سخت طبيعي چاپيريال پر وړاندې د مبارزې په ترڅ کې معجزه ببلای شوو او د چين هېواد په دننه او بهر کې يې پراخې پاملرنې جلب کړې دي.
تکلماکان صحرا د چين د شينجيانګ په جنوب د تاليم حوزې په مرکز کې موقعیت لري او چين کې د تر ټولو لويه صحرا او په نړۍ کې د روانو ریګونو لرونکې دویمه لویه صحرا ګڼل کېږي، چې د”مرګ سمندر “په نامه هم یادېږي، په اويغوري ژبه کې دا معنا لري، چې دغه ځای ته ننوتلی شې، خو ورڅخه وتلی نه شې. د تکلماکان صحرا اقليم ډېر وچ دی او پکې همیشه د باد او شګو طوفانونه او پېښې رامنځه کېږي. د تکلماکان په شاو خوا کې د شينجيانګ ګن شمېر ځايونه او ولسوالۍ په تېره اوږده زمانه کې د صحرا تر سخت چاپيريال لاندې د ژوند او پرمختګ له ننګونو سره مخ و. که په دغو ځايونو کې د روانو ریګونو او شګو د مخ نيوي لپاره اغيزمن کارونه تر سره نشي نو شګې او روان ریګونه به سوکه سوکه د خلکو کورونه هم لاندې کړي او د صحرا مساحت به نور هم پراخ شي.
په تېرو لسګونو کلونو کې د شګو او رېګونو د پراخېدو مخنيوي لپاره د صحرا په شاو خوا کې واښه، ونې او په وچو ځايونو کې د ودې لپاره ډول ډول مناسب نباتات او ځانګړي کرهنيز توليدات کرل شوي دي، دغه راز د سولرونو د ځای پر ځای کېدو په شمول مختلفې لارې کارول شوې. څه موده مخکې د شينجيانګ د خوتن سيمې د کېريې په ولسوالۍ کې د تکلماکان صحرا اخري ۲۸۵کيلومترو ځنډه کې صحرا ګلابو په کرلو سره د دې صحرا په شاو خوا د ۳۰۴۶کيلومترو په څنډې کې په بشپړه توګه د باد او شګو د مخنيوي تاسيساتو لخوا پټ شوي.
دغه ايکلوژيکي ساتونکې سکرين لکه د صحرا او د خلکو د اوسيدونکو سيمو تر منځ يو ديوال جوړ شوی، چې په لسګونو کلونو کې د بېلا بېلو کچو حکومتونو او خلکو لخوا په ګډه بشپړ شوی برياليتوب دی. دغه پروژې ځايي اوسېدونکو ته څه شي رسولی دی؟ د دغې پروژې په تر سره کېدو سره په دې وروستيو لسګونو کلونو کې د صحرا په شاو خوا کې ګام په ګام شنی ايکلوژيکي چاپيريال رامنځته شوی او د کرنې او مالداري چارو ته د پرمختګ فرصتونه رسولي دي، دغه راز په صحرا کې په پر له پسي ډول معجزې جوړې کړې دي.
په دغه لويه صحرا کې کرهنيز توليدات او دغه راز سمندري توليدات لکه (کبان، چنګاښ او داسی نور) هم ډېر توليدوي، چې د چيني مشتريانو لپاره جالب دي. په ۲۰۱۸م کال کې په دې صحرا کې شولې وکړل شوې او ښه حاصلات يې ورکړل، چې په هر جريب ځمکه کې د ۵۴۹کيلوګرامو په اندازه وريجې توليد شوې او دغه رقم د علمي او څيړنيزو ډلو له اټکل څخه اوښتی و، د ۲۰۱۴م کال په سپتمبر کې د تکلماکان صحرا چنګاښ بازار ته وړاندې شوی، په همدې وخت کې د جوار توليدولو اندازه هره جريبه ځمکه کې لس زرو تنو ته رسېدلی و، دغه راز د عصري ساينس او تېکنالوژۍ او د دوديزو تېکنالوژيو له لارې ډول ډول کرهنيز توليدات په دې ځمکه کې کرل شوي او حاصلات يې ورکړي دي. د شګو او روانو ریګونو د مخنيوي او د شتمنې ټولنې رامنځته کېدو چارې دواړې روانې وې، چې د ځنګلداري او کرنې چارو له لارې د توليداتو پلورل د ځايي بزګرانو د عايداتو عمده سرچينې ګرځيدلې دې.
خو سره له دې چې په دې صحرا کې پر له پسي ګټورې پروژې بشپړې شوې او معجزې رامنځته شوې، خو لا هم جعلي اواز پورته شوی. په ۲۰۰۱م کال کې بي بي سي خبر ورکړ، چې د چين د صحرا کېدو مسئله لا نوره سخته شوې ده. د ۲۰۲۰م کال په اپريل کې د امريکا د فضانوردۍ ادارې (NASA) د سپوږمکۍ له لارې ويډيو واخيسته او ادعا يې کړې چې د تکلماکان صحرا په شاو خوا سيمه د خوتن سيمې ته نږدې صحرا زرغونه شوې ويې ويل ، چې نباتات په دغه ځای کې وده کړې. بي بي سي په هغه وخت کې هم راپور ورکړی چې په چين کې د ځنګلو د کرلو له لارې د کاربن د ايستنې اندازه ټولې نړۍ ته له اټکل څخه وتلی خدمت دی. مګر څه موده مخکې بي بي سي متضاد راپور ورکړ او ګډوډې خبرې يې وکړې. بي بي سي راپور ورکړی، چې د ځنګل جوړول ښايي چې ګټې نه لري، د زرغون کېدو پروژې ښايي زيانونه رامنځته کړي. دغه ډول خبرې بيخي تور ته سپين، سپين ته تور وايي، حتې له طبيعي اصول څخه سرغړونه ده.
سره له دې چې دغه غربي خبري رسنۍ په چين کې د صحرا کېدو د مخنيوي هڅې بدنامول غواړي. خو په لسګونو کلونو کې د تکلماکان صحرا په شاو خوا کې جوړې شوي ايکلوژيکي پروژې اغېزمنې تمامې شوې چې د ايکلوژيکي چاپيريال په ښه والي سره کرهنيز ارزښتونه ښکاره شوي او ځايي اوسېدونکو ته يې واقعي ايکلوژيکي ضمانت او اقتصادي ګټې رسولې دي.
