د روسیې ولسمشر ولاديمير پوتين د مې په ۱۷مه نېټه د چين د هاربين په صنعتي پوهنتون کې وينا وکړه او د تعليم، ساينس او ټېکنالوژۍ د همکاريو، د فرهنګي تګ راتګ او د ځوانانو د پرمختګ په هکله يې د دغه پوهنتون له ښوونکو او زده کوونکو سره د نظريو تبادله وکړه.
روان کال د چين او روسیې تر منځ د سياسي اړيکو د جوړېدو له ۷۵مې کليزې سره برابر دی او تعليم او تحصیل تل د دواړو هېوادونو ترمنځ د همکاريو يوه مهمه برخه ده.
د هاربين صنعتي پوهنتون د سنټ پيتيرزبورګ ملي پوهنتون په شمول د روسیې له زياتو مشهورو پوهنتونونو سره د ساينس او ټېکنالوژۍ همکارۍ لري.
پوتين وويل، چې د روسیې او چين د لوړو اکاډمیکو بنسټونو تر منځ همکارۍ د دواړو هېوادونو ځوانانو ته د زده کړې ښه فرصتونه برابروي او د دواړو هېوادونو د خلکو تر منځ دوستي ژوروي. روسیه غواړي له چين سره همکارۍ پياوړې کړي او د دواړو هېوادونو ځوانانو ته د تبادلې ډګرونه پرانیزي.
