د ملګرو ملتونو په غونډه کې د ایران او امریکا استازو لفظي شخړه کړې

د رویټرز د راپور له مخې، ایران او امریکا د دوشنبې په ورځ د ملګرو ملتونو د اټومي وسلو د نه‌پراختیا تړون (NPT) په یوه غونډه کې د ایران د اټومي پروګرام او د غونډې د مرستیال په توګه د ایراني استازي د ټاکنې پر سر لفظي شخړه کړې ده. د امریکا استازي په دې غونډه کې ویلي، ایران خپلې نړیوالې ژمنې نه دي پوره کړې او د د اټومي انرژۍ نړیواله اداره سره یې بشپړه همکاري نه ده کړې. د هغه په وینا، د دغو مواردو له امله د غونډې د مرستیال په توګه د ایراني استازي ټاکنه مناسبه نه ده. په مقابل کې، ایراني استازي د امریکا دا څرګندونې بې‌بنسټه او سیاسي بللې او ویلي یې دي، چې امریکا په نړۍ کې یوازینی هېواد دی چې اټومي وسله یې کارولې ده، او باید د نورو هېوادونو په اړه قضاوت ونه کړي.