په منځني ختیځ کې د روان کړکیچ په بنسټ کې د ایران پراسلامي جمهوریت باندې د آمریکې د متحده ایالاتونو او اسراییلو نه پارول شوی تیری دی .
د آمریکې متحده ایالاتونه او اسراییل باید د ایران پراسلامي جمهوریت له یرغل څخه لاس واخلي او د خبرو اترو میز ته ورستانه شي. ډیره مهمه ده چې د منځني ختیځ د روان کړکیچ ټول ګډونوالان به د ښه ګاونډیتوب پر بنیاد په بیړه د جګړې د پای ټکي په موندلو او پر لارو چارو غور وکړي.
روسیه به په منځني ختیځ کې د جګړې د پراختیا د بیړني پای ته رسولو په موخه او په سوله ېزه توګه د کشالې حل له پاره د ګامونو پورته کولو ته دوام ورکوي.
د ایراني چارواکو په وینا د واشینګټن او د تل آبیب د غیر قانوني زور زیاتي له کبله د ملکي تلفاتو شمېره له زرګونو څخه اوښتې ده. د تیری کوونکو د چوپتیا د بې کاره هڅو او نه قانع کوونکو توجیهو سره سره نړیواله ټولنه په میناب کې د نجونو په لومړني ښوونځي، په تهران کې د پیام نور تر نامه لاندي پر پوهنتون او پر نورو تآسیساتو باندې د وحشیانه بمباریو په اړه په پراخه توګه پوهیږي.
عامه تآسیسات ویجاړیږي. د مارچ میاشتې په ۷مه نیټه آمریکایانو او اسراییليانو په تهران او څېرمه پرتو سیمو کې د نفتو پر ذیرمو باندې برید وکړ او اور واخیست. د دې له امله فضا ته د زیان رسوونکو هیدروکاربنونو، سلفر او نایتروجن اکسایډونو لویه اندازه خوشې شوه. د تیزابو باران ورښت تر سترګو کیږي. ملیونونه ښاریان په زهرجن چاپیریال کې راګیر شوي دي. پر اوبو، خوراکي توکو، نباتاتو او حیوانانو باندې د کیمیاوي موادو اغیز به اوږدمهال منفي ویجاړونکی تاثیر ولري.
د ایران پر وړاندې د آمریکې د متحده ایالاتو او اسرايیلو پوځي ماجرا د منځني ختیځ د ټولې سیمې د خړپړتیا لامل شوه. اړېنه ده چې سمدستي ډیپلوماټیکو هڅو ته ستانه شي او د پوځي عملیاتو مخه ونیول شي چې د ټولې سیمې د چاپیریالي او راډیولوژیکي ناورین ګواښ یې پیښوي.
