د ناټو عمومي منشي: د افغاسنتان د سولې بهیر ملاتړ ته ادامه ورکوو

ناټو وایي د افغانستان د سولې له بهیر خپل ملاتړ ته ادامه ورکوي. د ناټو عمومي منشي ینس سټولټنبرګ د افغانستان د سولې په اړه تازه څرګندونې کړې دي. نوموړي ویلي د افغان سولې بهیر د ناټو له بشپړ ملاتړ برخمن دی او ناټو پر خپلو ژمنو ولاړه ده. دده په وینا د سولې د راتګ او دغه بهیر د بریا لپاره باید طالبان پر خپلو ژمنو عمل وکړي. سټولټنبرګ همدا راز ټینګار کړی چې طالبان دې تاوتریخوالی کم کړي او د القاعده په ګډون دې له ټولو نړیوالو ترهګرو ډلو سره خپلې اړیکې پرې کړي. د ناټو عمومي منشي دا هم وایي چې طالبان دې د سولې لپاره حسن نیت وښيي او د تاوتریخوالي له دوام دې تېر شي. تر دې وړاندې په افغانستان کې د ناټو ملکي استازي هم ویلي وو چې د افغانستان د سولې بهیر ددوی له ملاتړ بخمن دی.