د چين بهرنيو چارو وزير د هر کال په پيل کې لومړی له افریقا څخه ليدنه کوي او دا په ډيپلوماتيکو چارو کې د دغه هېواد يو دود ګرځيدلی دی.
د چین د کمونېست ګوند د مرکزي کمېټې د سیاسي بيورو غړی او بهرنيو چارو وزير وانګ يي د جنورۍ له پنځمې نېټې څخه تر يوولسمې نېټې پورې ناميبيا، کانګو، چاد او نایجيريا ته سفرونه کوي او له دغو هېوادونو څخه په رسمي ليدنې بوخت دی.
د چين د بهرنيو چارو پاليسي روښانه ده او خارجه وزیر یې له ۳۵ کالونو راهیسې د هر نوي کال په پيل کې له افریقا څخه لیدنه کوي او دغه چاره یې د دواړو خواوو د اړيکو د لا ټينګېدو او پرمختګ لپاره ډېر اهميت لري.
۱– ډيپلوماتیک موقعيت ته په کتو، د چين دغه کړنه د دې ښکاندويي کوي، چې هېواد يې له افريقا سره عنعنوي دوستۍ ته ډېر ارزښت ورکوي او د دوه اړخيزو اړيکو د پرمختګ ټينګه اراده یې بدلېدونکې نه ده او په تېره بيا دغه چاره، د ترینګلې نړۍ، چې اوسمهال د اصلاحاتو پړاو کې روانه ده، د دواړو خواوو د اړيکو او هم د نړيوالې ټولنې لپاره ډېره ارزښتناکه او قيمتي بلل کېږي.
د چين او افريقا اړيکې په نوې زمانۍ کې د ګډ برخليک ټولنې پر اړيکو بدلې شوي، چې دا د دواړو خواوو د ثبات لپاره ډېر مهم ستراتيژیک اهميت لري.
۲– روان کال (( د چین او افريقا د همکارۍ فورم – د بېجينګ (2025-2027) عملي پلان )) د پلي کولو لومړی کال دی.
تېر کال د چين او افریقا د همکارۍ فورم د بېجينګ په سرمشريزې کې دوه مهم سندونه (د بېجېنګ اعلاميه) او (عملي پلان) تصويب شوي، چې پکې په شپږو برخو کې د عصريتوب د ترسره کېدو او د لسو سترو همکاريزو اقداماتو د ګډو پلي کېدو په شمول ځينې برخې شاملې دي.
وزير وانګ يي به په دغه سفر کې د يادې سرمشریزې د لاسته راوړنو د پلي کولو په پار له افريقايي هېوادونو سره د نظريو تبادلې وکړي، چې په دې کې د درې کلن عملي پلان پيل ډېر اړين بلل کېږي.
۳– افريقا په وروستيو کلونو کې د نړۍ د يوه نوي ځواک په توګه چټک پرمختګ موندلی، چې د چين په شمول د ډېرو پرمختيايي هېوادونو هيلې يې غوړولې دي. د وانګ يي دغه سفر به د نړۍ د سراسري جنوب د یووالي د لا پياوړتيا، د لازياتو ګډو پرمختیايي نظريو د راټولولو او په نړيوالې ادارې کې د سراسري جنوب د برخې اخيستنې د اهميت د زياتېدو لپاره مثبت رول ولوبوي.
نړۍ د سراسري جنوب هېوادونه به په روان کال کې يو لړ کارونه ترسره کړي، د بېلګې په توګه، د شانګهای همکارۍ سازمان سرمشريزه به د چين په کوربتوب او د شلو هېوادونو صنعتي هېوادونو سرمشريزه به د جنوبي افریقا په کوربتوب ترسره شي. چين د نړۍ د سراسري جنوب غړی دی او افريقايي هېوادونه بیا د نړۍ د سراسري جنوب يوه مهمه برخه ده. نو دواړه خواوې به د نوي کال په پيل کې د نړۍ د سراسري جنوب د پرمختګ په هکله سلا مشورې او د نظريو تبادلې وکړي.
د چين او افريقا د اړيکو پرمختيايي نقشې ته په کتو، دواړه خواوې په روان کال کې د دوه اړخيزو سوداګريزو همکاريو او د افریقايي اقتصادي پرمختګ او بيا سمسورتيا په برخه کې له ډېرو فرصتونو سره مخ دي.
الف- چين د تېر کال د ډسمبر له لومړۍ نېټې څخه د ۳۳ افریقايي هېوادونو پر توليداتو ګمرکي تعرفې معاف کړي او په روان کال کې به د چين د وارداتو نړيوال نندارتون او د چين او افريقا اقتصادي نندارتون ترسره کړي، چې دغه دوه چارې به یې افریقا ته ډېرې ګټې ورسوي.
ب – د بېجينګ عملي پلان به، چې لس مهمې همکاريزې برخې لري، د افريقا عصريتوب پرمخبوزي.
ج– د چين دولت رئيس شي جين پينګ تېر کال د چين او افريقا د همکارۍ فورم د بېجينګ سرمشريزې ته ويلي، چې هېواد به یې په افريقا کې د نړيوال امنیت وړانديز د پلي کولو لپاره هڅې وکړي.
اوسمهال چين له افريقايي هېوادونو سره د سولې او خونديتوب د ساتنې په برخه کې همکارۍ پیاوړې کوي او نړيوال باور دا دی، چې چين او افريقا به دوه او يا څو اړخيزې همکارۍ او تبادلې زياتې کړي او د ګډ برخلیک ټولنې د ابادۍ ترڅنګ به د نړۍ د سراسري جنوب يووالی او نړيوال اغېز به په خوځښت راوالي.
