چن شیو چې هممهاله په جنيوا کې د ملګرو ملتونو په دفتر کې د چین دایمي استازی او دغه راز سويس کې په نورو نړيوالو سازمانونو کې د چين استازيتوب کوي، د جون په ۱۷ مه نېټه د ملګرو ملتونو د بشري حقونو شورا ۵۹ مې غونډې ته په وينا کې يې د بشري حقونو له نړيوالو ميکانيزمونو څخه غوښتي، چې عامه، عادلانه، عيني، غير سياسي او غيرانتخابي اصول مراعات کړي او خپله بڼه او باور وساتي.
ده دغه وینا د (د خبرو او همکارۍ له لارې د بشري حقونو د هڅونې ملګري» نومي ګروپ په استازيتوب کړې ده. نوموړي زیاته کړه، چې په نړۍ کې د بشري حقونو د پرمختګ لپاره يوه داسې معياري لار نشته چې د هر هېواد لپاره مناسبه وي، نو ځکه هر هېواد باید خپل ماډل پر نورو ونه تپي.
نوموړي وويل، د روان کال د جون لسمه نېټه د ملګرو ملتونو د تمدنونو ډيالوګ لومړۍ ورځ ده، بېلابېل لوري دې رښتيني څواړخيزم عملي کړي، د نړۍ د تمدنونو تنوع ته دې درناوی ولري او د بشري حقونو نړيوالو چارو ته دې سالم پرمختګ ورکړي.
د چن شيو ياده وينا د ډېرو پرمختيايي هېوادونو استازو ستايلې او ور ته يې مثبت غبرګونونه ښودلي دي.
