په ملګرو ملتونو کې د چين د دايمي استازي مرستيال ګنګ شوانګ د جولای په يوولسمې نېټې د امنيت شورا په يوې غونډې کې د نورډ سټريم د طبيعي ګازو نلليکې د چاودنې په هکله پر اړوندو خواوو غږ کړی، چې ډېر ژر دې د يادې پېښې څېړنيزه پایله خپره کړي.
نوموړي ويلي، چې د نورډ سټريم د طبيعي ګازو نلليکې چاودنې نه يوازې د نړيوالو بنسټیزو تأسيساتو خونديتوب ته ګواښ متوجه کړی، بلکې د اړوندو سمندري سيمو پر ايکولوژيکي چاپېريال او د بېړيو د تګ راتګ پر امنيت يې هم منفي اغيزه کړې ده.
ګنګ شوانګ په خپلو خبرو کې په اشارې ويلي، چې له اوږدمهال راهيسې د يادو تحقيقاتو يادونه کيږي، خو تر اوسه يې پایله نه ده په ډاګه شوې او په وينا يې، که د يادې پېښې تحقيقات همداسې دوام ومومي، نو د شواهدو راټولول او د حقيقتونو موندل به ډېر ستونزمن شي او نړيوالې ټولنې ته به هم شکونه راپيدا کړي او ښايي وروسته يې پایله هم بې باوره پاتې شي.
نوموړي د نړيوالې ټولنې د اندېښنو د لرې کولو لپاره تر ټولو ښه لاره دا ياده کړې، چې د يادې پېښې پایله ژر خپره او حقیقت په ډاګه شي.
