د چین دولت رئیس شي جين پينګ او د ګرجستان ولسمشر میخايل کویلشویلي د جون په ۹مې نېټې د دواړو هېوادونو د رسمي اړیکو د ټینګښت د ۳۴مې کلیزې په مناسبت یو بل ته د مبارکۍ پیغامونه لېږلي دي.
شي جين پينګ په پیغام کې لیکلي، چین او ګرجستان له ۳۴ کلونو راهیسې د متقابل درناوي او ګټې- ګټې همکارۍ پر اصولو ټینګار کړی، دوه اړخیزو اړیکو ته یې سالم پرمختګ ورکړی او د مختلفو برخو په همکاريو کې يې سترې لاسته راوړنې درلودلي دي.
شي جین پينګ په ټینګار ويلي، که نړیوال وضعیت هر څنګه بدلېږي، چین به د دواړو هېوادونو اړيکو ته په اوږدمهاله ستراتيژيک نظر وګوري او له ګرجستان سره به اړیکې وپالي.
نوموړي له ولسمشر کویلشویلي سره په ګډه د دواړو هېوادونو اړیکې هراړخیزو ستراتيژیکو اړیکو ته د لوړولو اعلان کړی دی.
شي جين پينګ باور ښودلی، چې د چین او ګرجستان اړیکې به نوی روښانه راتلونکی ولري، دودیزه دوستي به یې نوې پاڼه پرانېزي، همکارۍ به یې حیاتي ځواک خپل کړي او د دواړو هېوادونو خلکو ته به زیاتې ګټې ورسوي.
