د چين د کمونېستي ځوانانو اتحاديې ۱۹م ملي کانګرس د جون په ۲۲مه په بېجينګ کې د خلکو لوی تالار کې پای ته ورسېد او پکې د دې اتحاديي د ۱۹مې دورې مرکزي کمېټه وټاکل شوه، چې له ۱۷۰ غړو او ۱۲۹ کانديدانو څخه جوړه شوې ده.
د ياد کانګرس ګډونوالو د دغې اتحاديې د اتلسمې دورې د مرکزي کمېټې راپور منظور کړ، د دې اتحاديې منشور يې اصلاح کړ او د اتحاديې ټول غړي يې وهڅول چې د ځوانانو په مشرۍ د هېواد د ابادۍ او ملي سمسورتيا لپاره هلې ځلې وکړي.
د چين د کمونېستي ځوانانو اتحاديه د چين د کمونېست ګوند تر مشرۍ لاندې د ځوانانو پرمختللی سازمان دی، چې د چين د خصوصيت لرونکي سوسياليزم او کمونيزم د زده کولو لپاره مهم رول لوبوي او د چين د کمونېست ګوند مرستیال او احتیاطي ځواک ګڼل کيږي.
