د کافا فوټبال سیالیو په لړ کې افغانستان ترکمنستان ته ماتې ورکړه

د افغانستان د ۲۰ کلنو کم عمره فوټبال ملي لوبډلې په کافا سیالیو کې ترکمنستان ته په ماتې ورکولو سره په دغو سیالیو کې پنځم ځای خپل کړ. په کافا سیالیو کې دا افغان لوبډلې وروستۍ سیالۍ وه. که څه هم له ترکمستان لوبډلې سره د افغان لوبډلې لوبه په مساوي توګه پای ته ورسیده؛ خو د اضافي وخت په پینالټیو کې افغان لوبډلې د ۷ ګولونو پر وړاندې د ۸ ګولونو په وهلو سره بریا خپله کړه.‌ کافا سیالۍ د قرغیزستان هیواد په جلال اباد ښار کې د جولای پر ۵ مه پیل شوې، او د جولای تر ۱۲ مې نېټې پورې به دوام وکړي. د دغو سیالیو پایلوبې ته ایران او قرغیزستان لار پیدا کړې، چې ټاکل شوې د دواړو لوبډلو ترمنځ پایلوبه نن ورځ ترسره شي.