د کرنې وزارت یو پلاوی ازبکستان ته لاړ

د کرنې، اوبولګولو او مالدارۍ وزارت، د کرنې او مالدارۍ مرستیال په مشرۍ یوه پلاوي ازبکستان ته د دواړو هېوادونو ترمنځ د همکاریو د پیاوړتیا په موخه سفر کړی. یاد وزارت وایي، دغه پلاوی به د ازبکستان د اوبولګولو وزارت له مسولینو سره د غنمو او پنبې د اصلاح شویو تخمونو روزنې، د څاڅکو اوبولګولو سیستم ترویج، د بڼوالۍ پراختیا، د افغانستان په وچو او شاړو دښتو کې د پانګونې او په یوشمېر نورو موضوعاتو خبرې او تړونونه لاسلیک کړي.