د ۲۰۲۴م کال د جونګ ګوان څون فورم چې پنځه ورځې يې دوام درلود، د اپرېل په ۲۹مې نېټې پای ته ورسېد او ګډونوالو د (نوښت: د لا ښکلې نړۍ ابادي) تر عنوان لاندې شاوخوا ۱۲۰ فعاليتونه تر سره کړل او د مخکښو تخنيکونو او د پاملرنې وړ موضوعاتو په باب يې بحث وکړ. په دې لړ کې نوی با کیفیته توليدي ځواک توده کلمه ګرځېدلې ده. د کارپوهانو په اند د تخنيکي نوښت له کبله به نوی با کیفیته توليدي ځواک لا پياوړی شي.
نوی با کیفیته توليدي ځواک داسې توليدي توان دی چې عمده برخه يې له ساينسي او تخنيکي توان سره تړاو لري او په ډيجيټلي زمانې کې ور څخه پيوستون او نوې محتوا ښکاري. مصنوعي ځيرکتيا، مخکښ چیپ او ځيرک توليد ټول پر نوي با کیفیته توليدي ځواک پورې اړه لري. د نړيوالې انجېنري سازمان د ګډې ټولنې رئيس مصطفی شيهو په دې فورم کې دې ته په اشارې سره ويلي چې د نوي با کیفیته توليدي ځواک لا پياوړتيا د مخکښو او پرمختللو تخنيکونو نوښت ته اړتيا لري. هغه وويل: د پخوا په پرتله اوس نړيوال نوښت ته اړتيا لري چې دواملرونکي پرمختګ پرمخ یوسي. نوښت د نوي با کیفیته توليدي ځواک د پياوړتيا په برخه کې عمده رول لوبوي او د مصنوعي ځيرکتيا، د ډېرو معلوماتو او لويې ډېټا، پاکو انرژیو، معلوماتي مخابراتو او کلوډ کمپيوټري ساينس（cloud computing）په شمول مخکښ او پرمختللي تخنيکونه د نوي با کیفیته تولیدي ځواک د لا پياوړتيا او پرمختګ سبب کېږي.
مصنوعي ځيرکتيا د نوي با کیفیته تولیدي ځواک استازې ده او ګام په ګام پولي، طبي، توليدي، ترانسپورټي، ښوونيزو او امنیتي دفاعي چارو ته داخله شوې او د تخنيکي نوښت او کارونې په برخه کې لارښوونکی رول لوبوي چې نوی با کیفیته توليدي ځواک لا پياوړی شي. د امريکا د سيليکون والې (silicon valley) د مصنوعي ځيرکتيا د څېړنيز انسټيټيوټ رئيس پيارو سکاروفي په خپلو خبرو کې ویلي چې مصنوعي ځيرکتيا به په طبي برخه کې د خلکو د تشخيص او درملنې لپاره لا دقيقې او اغېزناکې لاريحې جوړې کړي او د خلکو د روغتيا او نېکمرغۍ لپاره به لا مهم خدمتونه وکړي. هغه وويل: زما لپاره دا د خوښۍ وړ خبره ده چې مصنوعي ځيرکتیا کولی شي چې په طبي برخه کې خپل رول ولوبوي او دغې برخې ته بې ساري بدلونونه راوړي. ډېرو روغتونونو د مصنوعي ځيرک سيستم د کارولو لپاره ازموينه پيل کړې او له دې سيستم څخه په استفادې سره يې د پوستکي سرطان او د زړه ناروغۍ څارنه کړې چې همدا د ټولو لپاره د خوشالۍ وړ خبره ده.
د G6 تخنيک به په نژدې راتلونکې کې ژر وکارول شي او له دې کبله به مصنوعي ځيرکتيا په ډېرو برخو کې خپل مثبت رول ولوبوي. د چين د (CICT) شرکت د عمومي مدير مرستيال جو يوو شيا وويل چې د G6 تخنيک نه يوازې د انسانانو ترمنځ بلکې د توکو ترمنځ د وصل کېدو لپاره کارول کېږي. دغه تخنيک له مصنوعي ځيرکتيا سره نژدې اړيکې لري او د نوي با کیفیته توليدي ځواک لا پياوړتيا پرمخ وړي.
د چين د انجېنري اکاډمۍ غړي جانګ پينګ په دې نظر دی چې نوی با کیفیته توليدي ځواک پر نوښت تمرکز کوي او د پخوانيو او سمسورو بازارونو لپاره به لا زيات پرمختيایي امکانات ورسوي. د G6 تخنيک نه يوازې د ډيجيټلي اقتصادي پرمختګ لپاره کلک تخنيکي ضمانت او لارې چارې برابروي، بلکې د ډيجیټلي چارو د لا پرمختګ لپاره به ښه ايکولوژيکي چاپېريال رامنځته کړي. هغه زياته کړې چې د G6 تخنيک په کارېدو سره به په راتلونکي نوي صنعتي موډل کې ستر بدلونونه راشي او په نوي صنعتي موډل کې به نوی بازاري ارزښت او نوې ګټې ترې واخيستل شي. دغه تخنيک د نوي با کیفیته توليدي ځواک نمونوي استازی دی او د نورو صنايعو په ګټه دی.
روان کال د چين د صنايعو او معلوماتو وزارت په شمول اووه حکومتي ادارې د راتلونکو چارو او صنايعو د نوښت او پرمختګ د پرمخ بېولو وړانديز خپور کړ چې په دې سره به د راتلونکو صنايعو پرمختګ چټکتيا ومومي. د چين د الکترونيکو معلوماتو د پرمختګ د څېړنيز انسټيټيوټ د ګوندي کمېټې منشي مرستيال ليو ون چيانګ وويل چې حکومت مو په لومړي ځل د راتلونکو چارو او صنايعو په هکله سيستماتيک کارونه ترتيب کړي او په دې برخه کې مو يو لړ تخنيکي نوښتونه رامنځته کړي چې همدا به خامخا د نوي با کیفیته توليدي ځواک د لا پياوړتيا سبب شي.
