د چين د دولتي شورا مطبوعاتي دفتر د اپريل په ۲۱مې نېټې يوه خبري ناسته ترسره کړې او د دغه هېواد د صنعت او معلوماتي ټکنالوژۍ وزارت چارواکو پکې د روان کال په لومړۍ ربعې کې د صنعت او معلوماتي چارو د پرمختګ په اړه مالومات ورکړي دي.
دوی ويلي، د روان کال له پيل راهيسې، چين د معلوماتي زېربناوو د نوې بڼې د جوړولو چارو ته پرمختګ ورکړی او د ډيجيټل صنايعو چارو يې پر له پسې وده موندلې ده.
شمېرې ښيي، د روان کال د مارچ تر پايه، په چين کې د پنځه جي بيس سټيشنونو مجموعي شمېر ۴ ميليونه او ۹۵۸ زرو ته رسېدلی دی.
د روان کال په لومړۍ ربعې کې د کمپيوټر، مخابراتو او نورو برېښنايي وسايلو د توليد صنعتي ارزښت د تېر کال د ورته مودې په پرتله ۱۳.۶ سلنه زياتوالی موندلی او په اصلي صنعتي برخو کې يې د ودې تر ټولو لوړه کچه خپله کړې ده.
