زابل کې یو کیلي موټرو ته د اسنادو د وېش لړۍ پیل شوه

د زابل د ترافیکو مدیریت مسوولینو په یاد ولایت کې د بې اسنادو موټرو ته د جوازسیر او نمبرپلیټونو د وېش خبر ورکړی دی. د زابل د ترافیکو مدیر عصمت الله عبید وویل، چې په یاد ولایت کې د دغې پروسې له پیل څخه یې تر اوسه پورې کابو ۶ زره ۵۰۰ موټرثبت کړي، چې اوس دغو موټرو ته د دریو کلونو لپاره اسناد او نمبرپلیت ورکول کېږي او چلوونکي به یې بایومټریک شي. نوموړي د کلات له ښاریانو څخه وغوښتل چې ژر تر ژره دې د خپلو هغو وسایطو لپاره مکمل اسناد او نمبر پلېټونه واخلي چې څه موده مخکې ورته سټیکر ورکول شوی و. په ورته وخت کې یو شمېر ښاریان د ترافیکو مدیریت له دغه اقدام څخه خوښ دي او وايي، چې له بې اسنادو موټرو څخه په جنايي جرمونو کې کار اخیستل کېږي او ترهغه وخته پورې چې اسناد ونه لري باید د تګ راتګ اجازه ورنه کړای شي.