د مصنوعي ځيرکتيا د همکارۍ نړيوال سازمان په جوړېدو د هوکړې د لاسليک مراسم د جولای په ۱۶مه نېټه په شانګهای کې ترسره شول، چې پکې د چين د کمونېست ګوند د مرکزي کمېټې د سياسي بيورو غړي او بهرنيو چارو وزير وانګ يي د چين د حکومت په استازيتوب ګډون او پر يادې هوکړې يې لاسليک کړی دی.
د هوکړې له مخې، د مصنوعي ځيرکتيا د همکارۍ نړيوال سازمان، چې مقر یې په شانګهای کې دی، د حکومتونو ترمنځ يو خپلواک نړيوال سازمان دی، چې غړي به يې د ملګرو ملتونو د منشور موخې مراعاتوي او پر ګډو مشورو، ابادۍ او د ګټو د شريکولو پر مفکورې او د انسانانو ګټو ته پر ارزښت به ټينګار لري.
د ياد سازمان موخه دا ده، چې د مصنوعي ځيرکتیا په برخه کې نړيوالې همکارۍ او مديريت ښه پرمخ ولاړ شي او د انسانانو د ګټو د ساتلو لپاره په ګټور، خوندي او عادلانه لوري د مصنوعي ځيرکتيا د سالم او منظم پرمختګ تضمين وشي.
په دغو مراسمو کې د قزاقستان مرستيال صدراعظم او د مصنوعي ځيرکتيا او ډيجيټلي پرمختګ وزير مادييف، د لاوس مرستيال صدراعظم او بهرنيو چارو وزير تونګساوان، د پاکستان مرستيال صدراعظم او بهرنيو چارو وزير خارجه وزیر محمد اسحاق ډار او د روسيې د ولسمشرۍ دفتر مرستيال مسؤل اوريشکين په شمول د ۲۹ هېوادونو استازو ګډون کړی و او ياده هوکړه يې لاسليک کړې ده، چې په دې سره دغه هېوادونه د مصنوعي ځيرکتيا د همکارۍ د نړیوال سازمان بنستګران ګرځېدلي دي.
په دغو مراسمو کې د ملګرو ملتونو عمومي سرمنشي انټونيو ګوټرېش په ګډون د ځينو نړيوالو سازمانونو استازو هم برخه اخيستې وه.
