د چين د دولت رئيس شي جين پينګ د جولای په ۲۴مه نېټه د روسيې د مسافر وړونکې الوتکې د لوېدو له امله د دغه هېواد ولسمشر ولاديمير پوتين ته د خواخوږۍ پيغام واستاوه.
شي جين پينګ په خپل پيغام کې ويلي: په خواشینۍ سره مې خبر ترلاسه کړ، چې د روسيې يوه مسافر وړونکې الوتکه د دغه هېواد په امورسکايا ايالت کې لوېدلې او د دې پېښې له امله درنه مرګ ژوبله اوښتې ده. ده ویلي چې د چين د حکومت او خلکو په استازيتوب له قربانيانو، د هغوی له کورنيو او ټپيانو سره خپله ژوره خواخوږي څرګندوي.
