د چین د دولت رئيس شي جین پینګ د اپريل په ۲۴ مه نزار آميدي ته د عراق جمهوريت د نوي ولسمشر د ټاکل کېدو په پار د مبارکۍ پیغام لېږلی دی.
شي جین پینګ د چین او عراق ترمنځ دوديزه دوستي ژوره بللې او په وینا يې، په وروستيو کلونو کې د دواړو هېوادونو ترمنځ سياسي باور پرله پسې پياوړی شوی او دواړو لورو تل د يو بل د اساسي ګټو او مهمو اندېښنو په مسئلو کې متقابل ملاتړ کړی او د انرژۍ، سوداګرۍ او اقتصاد په برخو کې يې همکاريو مثبتې پايلې لرلې دي.
هغه زياته کړه: (( زه د چين او عراق د اړيکو پرمختګ ته ډېر ارزښت ورکوم او چمتو يم چې له ولسمشر آميدي سره په ګډه هڅه وکړم، څو د دواړو هېوادونو ترمنځ ستراتيژيک مشارکت نویو پوړیو ته لوړ شي او د دواړو هېوادونو خلکو ته لا زياتې ګټې ورسیږي.))
