قطر کې مرکچي پلاوي؛لا هم د مذاکراتو په کړنلاره توافق ته نه دي رسېدلي

د طالبانو او افغان حکومت مرکچي پلاوي له دوو اونیو راهیسې نه دي توانېدلي چې په کړنلاره او د مذاکراتو په اصولو توافق وکړي. د افغان حکومت د تماس ډلې په وروستۍ غونډه کې د لانجې د غوڅېدو او کړنلارې د وروستي کېدو لپاره طالبانو ته نوي وړاندیزونه کړې دي خو ویل کیږي چې طالبانو تر اوسه پرې غوږ نه دی ګرولی. په دوحه کې د افغان حکومت او طالبانو د تماس ډلو شپږ غونډې کړې دي. دوی په وروستي ځل د تېرې چهارشنبې په ورځ جرګه شول خو غونډه یې بې پایلې وه. په همدې حال کې د افغان سولې لپاره د امریکا خاص استازي زلمي خلیلزاد ویلي، چې د حکومت او طالبانو تر منځ بې باوریو او ژورو اختلافونو ته په کتو د مذاکراتو د بریا تضمین نشې کېدای. په همدې حال کې د اسیا د بهرنیو چار وزیرانو د سارک غونډې لپاره د اعتماد جوړولو په غونډه کې ویلي، چې بین الافغاني مذاکرات د افغانستان او سیمې د ثبات لپاره مهم ګام دی.