مایکل روبین: پاکستان هڅه کوي د سولې رامنځ ته شوی فرصت شنډ کړي

پاکستان هڅه کوي د افغان سولې رامنځ ته شوې موکه ضایع کړي. د نشنل انټرسټ نشریې د نړیوالو مسایلو څېړونکی مایکل روبین وایي پاکستان په دې لټه کې دی چې په خپل هېواد کې قومي هویت له منځه یوسي او په افغانستان کې د سولې له راتګ سخته وېره لري. دده په وینا پاکستان تر طالبانو ډېر د سولې رامنځ ته شوې موکه شنډوي او نه غواړي په دغه هېواد کې سوله تامین شي. روبین وایي پاکستان په ټوله سیمه کې د ترهګرو او افراطي اسلامي ډلو ملاتړی دی او هڅه کوي له دې لارې خپلې موخې وپالي. هغه ټينګار کړی چې طالبان لا هم په پاکستان کې مرکزونه لري، پاکستان یې ملاتړ کوي او ناروغان یې هلته تداوي کوي. روبین ټينګار کوي چې نړیوال باید پاکستان اړ کړي چې په افغانستان د ترهګرو ډلو له ملاتړه لاس واخلي او ددغه هېواد د سولې له پروسې سره رښتینې همکاري وکړي.