ناروې له افغانستان سره د بشردوستانه مرستو د دوام ډاډ ورکړی

د راپورونو له مخې د افغانستان د اطلاعاتو او فرهنګ وزارت سرپرست وزیر خیرالله خیر خواه د افغانستان لپاره د ناروې له سفیر لینډ من سره کتلي دي. دواړو لورو په دې لیدنه کې پر دوه اړخیزو اړیکو او نورو اړوندو مسایلو خبرې کړې دي. د قطر دفتر ویاند ډاکټر نعیم وایي چې په دې لیدنه کې پر دوه اړخیزو اړیکو، بشردوستانه مرستو او نورو اړوندو مسایلو خبرې شوې دي. ناروې په دې لیدنه کې ټینګار کړی چې دوی تل افغانستان سره په بېلو برخو کې مرستې کړې دي او اوس هم هڅه کوي خپلو مرستو ته ادامه ورکړي. سفیر ټینګار کړی چې د نجونو زده کړو ته دې اجازه ورکړل شي او د افغانستان تعلیمي سیستم باید بېرته منظم شي.