نظر پوښتنه: بایډن د امریکا معاصر تاریخ کې ناوړه ولسمشر اعلان شو

د یوې نوې نظر پوښتنې له مخې، جو بایډن د امریکا په معاصر تاریخ کې تر ټولو بد ولسمشر پیژندل شوی دی. دا نظر پوښتنه ټېنګار کوي، چې د جو بایډن عمر، له افغانستان څخه د ځواکونو د اېستلو څرنګوالی او له مکسیکو سره سرحدي ستونزې، هغه څه دي چې د ځواب ویونکو ترمنځ د پراخې ناخوښۍ لامل شوي. د “ډیلي میل” او “جی ایل پارټنرز” ورځپاڼو د نظرپوښتنې پایله چې د یو زرو او شپږ سوه کسانو په ګډون سره ترسره شوې، ښیې چې جو بایډن د معاصرو امریکایی ولسمشرانو په کتار کې په ټېټه درجه کې دی. د دې نظرپوښتنې له مخې جو بایډن د امریکا د پخواني ولسمشر جیمي کارټر په پرتله هم بد دی. جیمي کارټر چې په ۱۹۷۰ لسیزه کې د امریکا ولسمشر و، یو کال وروسته د لوړ انفلاسیون او له ایران څخه د امریکايي یرغمل شویو د خلاصون د ناکامې هڅې له امله له خپلې دندې استعفا وکړه.