نورالدین عزیزي؛ د ازبکستان د سیردریا ولایت له والي سره کتلي دي

د صنعت او سوداګرۍ وزارت خبر ورکړی، چې د دغه وزارت وزیر نورالدین عزیزي د ازبکستان د سیردریا ولایت له والي ارکینجون توردیموف او مل پلاوي سره کتلي دي. سرچینې ویلي، چې په دې کتنه کې د دواړو هېوادونو ترمنځ د سوداګرۍ پراختیا، د خصوصي سکتور همکارۍ او د راکړې ورکړې زیاتوالي په اړه خبرې شوې دي. دواړو لوریو د کرنیزو محصولاتو صادرات، ګمرکي اسانتیاوې او د نړیوال سوداګریز فورم د جوړولو پر موضوعاتو ټينګار کړی.