نږدې ۵۰۰ افغانانو په قزاقستان کې د پناه غوښته کړې ده

د قزاقستان چارواکي وایي، له اوکراینیانو وروسته افغانانو په لوی شمېر له دې هېواده د پناه اخیستو غوښتنه کړې ده. د روسیې د انترفاکس خبري اژانس د راپور له مخې د قزاقستان د کار او ټولنیزو چارو وزارت ویلي، د ټولو ۲۹۱ بهرنیانو له ډلې چې له مخکې په دې هېواد کې د پناه اخیستونکو په توګه ثبت شوي، ۲۷۰ یې افغانان، اووه چینایان، پنځه سوریایان او نهه د نورو هېوادونو اتباع دي. خو دې وزارت په یوه بیان کې ویلي چې، پر دې سربېره په دې وروستیو کې د ۸۲۶ پناه اخیستونکو په ډله کې چې نوي یې نومونه ثبت شوي، ۲۲۶ یې افغانان دي. د دې وزارت په وینا ۵۸۸ اوکراینیانو نوې له دې هېواد څخه د پناه غوښتنه کړې ده. قزاقستان هغه هېواد دی چې وړمه ورځ یې د افغانستان د سرپرست حکومت ډیپلوماتانو اجازه ورکړي چې په دې هېواد کې د افغانستان د سفارت چارې ترلاسه کړي.