د چین د دولتي شورا غړي او د بهرنیو چارو وزیر وانګ يي د مې په ۶مه نېټه له چین سره د همکارۍ په اړه د اندونیزیا د همغږۍ له وزیر لوهوت بنسار سره ويډيويي خبرې وکړې.
وانګ يي په خپلو خبرو کې پر دې ټينګار وکړ، چې د سیمې هر ډول ستراتيژي باید د ګډو ګټو پر بنسټ، نه دا چې تقابل رامنځ ته کړي.
ده زیاته کړه، چې چین غواړي له اندونیزیا سره تبادلې او همغږي پياوړې کړي او د سیمې د سولې او ثبات حالت وساتي. د امریکا لخوا وړاندې شوې د اندو- پسيفیک ستراتيژي (Indo-Pacific Strategy) د اوسنۍ زمانې د پرمختګونو او تمایلاتو سره په ټکر کې ده او د سیمې د هېوادونو له ګډو او دايمي ګټو سره سمون نه لري.
ښاغلي لوهوت بنسار په خپلو خبرو کې پر دې ټينګار وکړ، چې د اندونیزیا او چین ترمنځ د همکارۍ په پار به له اوسنیو ستونزو سره په مقابله کې بریالیتوب ولرو، د دواړو هېوادونو همکاري د ګډو ګټو پر بنسټ ده، چې د پرمختیايي هېوادونو ترمنځ د همکارۍ لپاره مهمه لارښوونه کوي. (هیله)
