پنجشیر کې سیلابونو درانه مالي زیانونه اړولي دي

په پنجشیر کې د سیلابونو د راوتلو له امله خلکو ته درانه مالي زیانونه اوښتي دي. د پنجشیر ولایت ځایي چارواکي وايي د پنجشیر ولایت په ټولو ولسوالیو کې سخت بارانونه شوي دي چې له امله یې سیلابونه راوتلي او خلکو ته یې زیانونه اوړي. د سیلابونو له امله د شتل او عنابې ولسوالیو لارې تړل شوې او همدا راز د کابل پنجشیر لاره هم بنده ده. ځایي چارواکي وايي چې د لارو د خلاصولو لپاره یې هڅې پيل کړې دي. دوی اوښتي مالي زیانونه خورا درانه بولي او وایي رسنیو ته به یې په اړه وروسته معلومات ورکړي.