په امریکا کې یوه بریدګر شل کسه په موټر وهلي

په امریکا کې یوه بریدګر شل کسه په موټر وهلي دي. د راپورونو له مخې یوه کس په ملواکي ښار کې خپل موټر د خلکو پر ګڼه ګوڼه وربرابر کړی دی او ګڼ کسان یې تر موټر لاندې کړي دي. په ټولنیزو رسنیو کې خپرې شوې ویډیوګانې ښيي چې یاد کس په قصدي توګه خلک په موټر وهلي دي. په پېښه کې شل کسه ټپیان شوي چې د ځينو روغتیايي وضعیت یې نازک ښوودل شوی دی. پولیس وايي چې دغه کس یې نیول دی او په اړه یې پلټنې روانې دي. د امنیتي چارواکو په خبره تر اوسه نه ده ثابته چې دې کس ولې د خلکو پر جمعیت موټر وروستلی دی، خو وروسته به یې په اړه معلومات له رسنیو سره شریک کړي.