اوس د بيولوژيکي تنوع تړون د لاسليکوونکو ۱۵مې غونډې(COP15) دوهم پړاو د کاناډا په مونټريال کې روان دی. نړیوالو د پاريس تړون لاسليک له اقليمي بدلون سره د مقابلې یو مهم ګام بللی او اوس د بيولوژيکي تنوع ساتنې په برخه کې “ د پاريس وخت ” راسېدو ته په تمه دي.
د چین ميډيا ګروپ خبریالې په دې اړه له افغان شنونکي اندېښمن ځاځي سره یوه مرکه وکړه. ښاغلي اندېښمن ځاځي وویل:
((اقلیمي بدلون او د بیولوژيکي تنوع کمښت د ټولې نړۍ د پاره یو ګډ خطر دی، چې تر دې دمه یې نړۍ ته جدي ګواښونه را منځ ته کړي دي او له دې ګډ خطر سره باید پهګډه مبارزه وشي. اقلیمي بدلون سیاسي پولې نه پیژني، نو همداسې یې باید په وړاندې له سیاسي اختلافونو پرته ګام واخیستل شي. د یادونې وړ ده، چې نړۍ د اقلیمي بدلونو د خطرونو په وړاندې د مبارزې په برخه کې هڅې پیل کړي او په دې تړاو د پاریس تړون د ګډ کار او همکاریو پر همغږي کولو ټینګار کوي. اوس د (COP15) غونډې په ترڅ کې د بېلا بېلو خواوو کوښښونه هم د پاملرنې وړ دي. ))
د چين د دولت رئيس شي جين پینګ د ډسمبر په ۱۵مه نيټه د (COP15) د دوهم پړاو غونډې ته انلاین وينا وکړه او پکې يې وغوښتل، چې د انسانانو او طبيعت ترمنځ د هوسا ګډ ژوند، د موجودیت او د ګډ ژوند ټولنې لپارهیوه پاکه نړۍ جوړه او عملي شي.
ښاغلي اندېښمن ځاځي په دې اړه وویل، چین یو له هغه هېوادونو دی، چې د اقلیمي بدلونونو د مبارزې په برخه کې پراخې هڅې کوي.
((د چین مشر له اقلیمي بدلون سره د مقابلې په اړه جدي رویه ښکاره کړې ده. رئیس شي جين پينګ د تېر کال په اپریل کې د اقلیمي بدلون ضد په سرمشریزه کې (د بشر او طبیعت د ګډ ژوند ټولنه جوړونې) تر عنوان لاندې یې یوه وینا وکړه. نوموړي پر طبیعي سرچینو د صنعتي تمدن د ناوړه اغېزو په اړه هراړخيزې خبرې وکړې، د بشر او طبیعت ترمنځ تناقضونه یې په ګوته کړل او له نړیوالې ټولنې څخه یې غوښتنه وکړه، چې د اقلیمي بدلون پر وړاندې ګډه مبازره وکړي، ځکه دا د ټول بشریت او د ځمکې د ایکولوژۍ دوامدار پرمختګ لپاره ډېر اهمیت لري.))
ښاغلي اندېښمن ځاځي دا هم یاده کړه، چې د (COP15) لومړی پړاو تېر کال د چین په کون مینګ ښار کې په بریالیتوب سره ترسره شو. چین پکې د بیولوژيکي تنوع د ساتنې د اغېزمنو تدبیرونو اعلان کړی و.
((چین یو له هغو هېوادونو دی، چې صنعتي تمدن یې د پرمختګ او ودې په حال کې دی، خو تر څنګ یې طبیعت او د طبعي سرچینو خوندیتوب ته هم جدي پاملرنه کوي .د چین د دولت د ریس دغه څرګندونې د نړۍ لپاره یو ښکاره پیغام دی، چې د صنعتي تمدن پرمختګ بد نه دی، خو په دې شرط چې دغه تمدن د طبعي سرچینو د زیانمنېدو لامل نشي او د نړۍ پر مخ د انسان بقا ته ګواښ جوړ نکړي.))
