د امریکا ولسمشر ډونالډ ترمپ د جولای په ۱۴مه نېټه رسنیو ته ويلي، چې امريکايي ځواکونه به د ایران پر وړاندې بريدونو ته دوام ورکړي.
ټرمپ ويلي: ((امریکا به د ایران پر ضد بریدونو ته تر هغه دوام ورکړي، چې زه ورته ووايم، بس دی!))
نوموړي دا هم ويلي، چې امريکايي ځواکونه به په وروستي پړاو کې د ايران د انرژۍ پر تاسيساتو هم بريدونه وکړي.
هغه زیاته کړې، امريکا په همدې ورځ له ايراني لوري سره خبرې کړي او ترې غوښتې يې دي، چې ډېر ژر هوکړې ته ورسره ورسېږي.
د ايران د اسلامي انقلابي ګارډ د روانې میاشتې په ۱۵مه نېټه په یوې اعلامیې کې ويلي، چې له سیمې څخه به تر هغه وخته د تېلو او طبیعي ګاز صادراتو ته اجازه ور نه کړي، څو امريکا پر ایران بریدونه نه وي درولي.
