د کاناډا د کډوالو چاور وزارت وايي، څه باندې درې سوه نور افغان پناه غوښتونکي يې تازه دغه هېواد ته انتقال کړي دي.
د کاناډا د کډوالو وزیر شان فریز نن پر خپلې ټویټرپاڼه لیکلي، چې په یوه چارټر پرواز کې ۳۰۹ افغانان چې په افغانستان کې د کاناډا د پوځ همکاران او د بشري حقونو فعالان وو، له خپلو کورنیو سره د کاناډا ګالګري ښار ته رسېدلي دي.
هغه زیاته کړې چې د کاناډا له ژمنې سره سم نږدې ۳۵زره افغان کډوال کاناډا ته لېږدول شوي او د دې کال تر پایه به د دې کسانو شمېر ۴۰ زرو ته ورسېږي.
