کډوالو چارو وزارت: یوه میاشت کې له ایرانه تر ۳۶ زره ډېر کډوال را ستانه شوي

کډوالو چارو وزارت اعلان کړی دی چې په تېره یوه میاشت کې لږ تر لږه ۶۳ زره او ۵۱۹ افغان کډوال هېواد ته راستانه شوي دي. د یاد وزارت په خبره، د یاد شمېر راستنو شویو افغانانو له ډلې ۲۸ زره کډوال په زور د ایراني دولت له لوري راشړل شوي دي. دغه وزارت زیاته کړې چې ۴۱ زره او ۹۷۴ تنه د اسلام کلا او ۲۱ زره او ۵۴۵ نور هغه د نیمروز ولایت له لارې هېواد ته را دننه شوي دي. د یادونې ده چې ایران په وار وار افغان کډوالو ته د ژوند کولو او نورو اسانتیاوو برابرولو ژمنه کړې ده خو تر اوسه پورې یې یوه هم عملي کړې نه ده.