ګارډین: د افغانستان پر نیمایي ولسوالیو طالبان کنټرول لري

ګارډین ورځپاڼې ویلي چې له تېر لوی اختر وروسته طالبانو یو ځل بیا تاوتریخوالي ته زور ورکړی دی او له بلې خوا افغان دولت هم د طالبانو پر ضد له ځمکې او هوا عملیات پیل کړي دي. ورځپاڼه کاږي، طالبان چې د افغانستان له شاوخوا څلور سوه ولسوالیو څخه پر نیمایي هغو باندې کنټرول لري او د نورو د ولکه کولو لپاره یې جګړې تېزې کړې دي. د ګارډین په حواله، افغان ځواکونو ځکه ډېری ولسوالۍ له لاسه ورکړې چې له مې میاشتې راهیسي د هغوی د ملاتړ په موخه پر طالبانو د امریکایي ځواکونو بریدونه کم شوي دي. ورځپاڼې وړاندې لیکلي، د افغان کشالې د حل یوازینۍ لار خبرې اترې دي او ښکېل اړخونه دې د جګړې پر ځای پر خبرو تکیه ډېره کړي.