یونسیف: افغانستان کې له نیمایي ډېر ماشومان له خوارځواکۍ ځورېږي

له ماشومانو د ملګرو ملتونو د ملاتړ صندوق (یونسیف) ویلي چې په افغانستان کې له هرو دوو ماشومانو یو یې له خوارځواکۍ څخه ځورېږي. دغه بنسټ ویلي چې په افغانستان کې د اغېزمنو ماشومانو شمېر په شدت سره مخ پر لوړېدو دی او دې چارې دوی سخت اندېښمن کړي دي. یاد صندوق د اندېښنې په څرګندولو سره افغان ماشومانو ته د خوراکي توکو او روغتیایي خدماتو ته د لاسرسي ژمنه هم کړې ده. له ماشومانو د ملګرو ملتونو د ملاتړ صندوق زیاته کړې ده چې په افغانستان کې تر وروستیو تحولاتو وروسته د اقتصادي وضعیت خرابېدو ماشومان تر پخوا ډېر اغېزمن کړي دي.