د امریکې فدرالي پلټونکې ادارې اف بي آی د جولای په ۱۴مه نېټه د هغه کس هویت په ډاګه کړی چې د دغه هېواد پر پخواني ولسمشر ډونالډ ټرمپ يې برید وکړ.
سرچینې ویلي چې دغه برید کونکی توماس ماسیو کروکس نومېږي، شل کلن دی او د امریکا له پينسیلوانیا ایالت څخه ورغلی و.
د اف بي آی په بیان کې دا هم ویل شوي چې برید کونکی د پېښې په ځای کې وژل شوی او په وینا يې چې تر اوسه له کومې ترهګرې ډلې سره د دې کس اړیکه نه ده ثابته شوې.
ټرمپ چې یو ځل بیا د امریکا ولسمشریزو ټاکنو ته کاندید شوی، د ټاکنو کمپاین يې ویلي چې دی له جسمي او ذهني پلوه روغ دی.
هغه به د پلان له مخې په راتلونکې اوونۍ کې د جمهوریت غوښتونکي ګوند په کنګره کې ګډون وکړي او د دې ګوند د ولسمشر رسمي کاندید به وشي.
