د امريکا کانګرس په دې وروستيو کې تش په نوم د تايوان په اړه د نړيوال يووالي لايحه تصويب کړه او پکې يې ادعا وکړه، چې د ملګرو ملتونو د عمومي اسامبلې ۲۷۵۸م نمبر پرېکړهليک يوازې دا منلې چې د چين ولسي جمهوريت په ملګرو ملتونو کې د چين يوازېنی قانوني استازی دی، خو په دغه سازمان کې يې د تايوان د نمايندګۍ حق نه دی ياد کړی او د چين د ولسي جمهوريت او تايوان ترمنځ د اړيکو په اړه يې دريځ نه دی څرګند کړی.
د امريکا يادې نظريې د ملګرو ملتونو د عمومي اسامبلې د پرېکړهليک تحريف کړی او غواړي، چې د تايوان مسئلې په اړه د نړيوالې ټولنې عامه افکار وغولوي او د تاريخ په اړه ناسم پوهاوی جوړ کړي.
د ملګرو ملتونو ۲۷۵۸م نمبر پرېکړهليک په دغه سازمان کې د چين د ولسي جمهوريت ټول حقونه اعاده کړي او د تايوان سيمې غیر قانوني استازی له دغه سازمان څخه شړلی دی. سربېره پر دې، دغه پرېکړهليک دا روښانه کړې، چې د چين د ولسي جمهوريت حکومت په ملګرو ملتونو کې د چين يوازېنی قانوني حکومت دی او د تش په نوم” دوو چيني هېوادونو ” او ” يو چين او يو تايوان ” غوراوي نشته. دغه پرېکړهليک د سياست، قانون او تشريفاتو په برخو کې په پوره توګه په ملګرو ملتونو کې د تايوان په شمول د چين د استازيتوب حق مسئله حل کړې ده.
لا د پاملرنې وړ ټکی دا دی، چې د قاهرې اعلاميې او پوسټدام اعلاميې په شمول د نړيوال قانون يو لړ سندونو پر تايوان د چين صلاحيت تایيد کړی. امريکا د نوموړو مهمو سندونو له لاسليک کوونکو هېوادونو څخه ده او په دې اړه بايد وپېژني، چې تايوان د چين يوه برخه ده او دغه حقيقت په مجرد ډول تاکيد ته اړتيا نه لري. د امريکا د استازو جرګې د ملګرو ملتونو د نوې عمومي اسامبلې له جوړېدو مخکې د لايحې په تصويب سره د تايوان د نمايندګۍ حق په اړه ډنډوره جوړه کړې او دغه کړنه يې بد نيت لري.
امريکې له تېرو څو کلونو راهيسې په نړيوالو چارو کې د تايوان د تش په نوم ارزښتناک ګډون د هڅولو لپاره ډېر ګامونه پورته کړي، خو هڅې يې ناکامې شوې دي. د روغتيا نړيوالې غونډې په تېرو اوو کلونو کې د بحث په اجنډا کې د ځينو هېوادونو د هغه وړانديز شاملېدل رد کړي. السلوادور، د سليمان ټاپو، کيريباس، نيکاراګوا او هندوراس له تايوان سيمې سره تش په نوم ډيپلوماټيکې اړيکې درلودې او اوس یې دغه اړيکې پرې کړې دي. د ياد حقيقت پر وړاندې، امريکا په دې نظر ده، چې د ملګرو ملتونو په ۲۷۵۸م نمبر پرېکړهليک کې ټاکل شوي چې د يو چين پېژندې اصل د تايوان د جلا غوښتونکي ځواک پر فعاليتونو خنډونه جوړ کړي. دغه راز امريکا غواړي په کور دننه د قانون له لارې عامه افکار وغولوي او د ملګرو ملتونو د عمومي اسامبلې له ۲۷۵۸م نمبر پرېکړه ليک څخه د تايوان مسئله جلا کړي، څو د تايوان د تش په نوم نړيوال ګډون لپاره زمينه برابره کړي.
د لا لوړې کچې له لحاظه، د ملګرو ملتونو د عمومي اسامبلې د ۲۷۵۸م نمبر پرېکړهليک لسموونکې کړنې د تايوان مسئلې په اړه د جعلي تاريخ د جوړولو، د اجنډا ټاکلو او د عامو افکارو د کنټرول لپاره د امريکې د اقداماتو يوه برخه ده.
د يو چين پېژندنې اصل د نړيوالې ټولنې پراخه او ګډه پېژندنه ده او هېڅوک به د تايوان مسئلې په اړه د امريکې په لومه کې ونه لوېږي. د امريکې په شمول د نړۍ ۱۸۲ هېوادونه د يو چين پېژندنې اصل پر بنسټ له چين سره ډيپلوماتيکې اړيکې لري او ټولو يې ژمنه کړې، چې له تايوان سيمې سره ملکي، اقتصادي او کلتوري اړيکو ته غیر رسمي رویه غوره کړي. د سوداګرۍ نړيوال سازمان، د المپيک نړيوالې کمېټې، د اسيا او ارام سمندر سيمې د اقتصادي همکارۍ سازمان او د روغتيا نړيوالې غونډې په شمول مهم نړيوال سازمانونه اړتيا لري، چې د تايوان سيمې ګډون ته د اجازه ورکولو او د تايوان سيمې د غړيتوب د حق، هويت او نوم په شمول د مسئلو په اړه له چين سره مشورې وکړي او د چين د نظريو پوښتنې وکړي.
تايوان د چين يوه نه جلا کېدونکې برخه ده او هېڅ بل هېواد د تايوان مسئلې د حل حق نه لري. د ملګرو ملتونو ۲۷۵۸م نمبر پرېکړهليک يوازېنۍ بڼه شته او په دې اړه امريکايي شکله توضيحات د منلو وړ نه دي. له دوهمې نړيوالې جګړې وروسته د جوړ شوي نړيوال نظام خرابول او د چين ملي حاکميت او ځمکني بشپړتيا ته د زيان رسول د دغه پرېکړهليک په اړه د امريکې د کړنو اصلي موخه ده. د امريکې دغې ناوړې کړنې د چينايانو د منلو وړ نه دي او هم د نړيوالې ټولنې له ټينګ مخالفت سره مخ دي.
