امریکایي کارپوهان: له ضمانت پرته د سرتېرو وتل به ترهګر لا پیاوړي کړي

د ډیلي میل په نامه خپرونې له افغانستان څخه د امریکایي سرتېرو د وتلو په اړه راپور خپور کړی دی. راپور کې راغلي چې که چېرته امریکایي سرتېري په بېړه او له یو کلک ضمانت پرته له دغه هېواد څخه وایستل شي نو امریکا به یې دروند پور پرې کړي. په راپور کې د امریکایي څېړونکو له قوله راغلي چې له کلک ضمانت، اوربند او له یو قوي نظام پرته د افغانستان پرېښودل به په دغه هېواد کې د کورنیو جګړو سبب وګرځي او دغه راز به په دغه هېواد کې د ترهګرو ډلو د لا پیاوړي کېدو لامل شي. دا راپور په داسې حال کې خپرېږي چې په دې وروستیو کې یو شمېر امریکایي چارواکو او ځینې سناتورانو د یو لیک په ترڅ کې د امریکا له ولسمشر جو بایډن څخه غوښتي چې باید په ټاکلې نېټه خپل سرتېري له افغانستان څخه وباسي.