اندونیزیا؛ د ځمکې ښوېیدنې له کبله ۱۱ کسان مړه او لسګونه نور لادرکه شوي

رویټرز خبري اژانس راپور ورکړی، چې په اندونیزیا کې د بارانونو له امله ځمکه ښوېیدلې، چې له کبله یې لږ تر لږه ۱۱ کسان مړه شوي او لسګونه نور لادرکه شوي دي. راپور کې راغلي چې دا پېښه په «سیلاکاپ» ښار کې شوې او په «سیبونیینګ» کلي کې یې شاوخوا دولس کورونه ویجاړ کړي دي. د اندونیزیا د بحران مدیریت ادارې ویاند خبر ورکړی، چې تراوسه د یوولسو کسانو مړي موندل شوي دي. هغه زیاته کړې چې دولس نور لادرکه دي او د ژغورنې عملیات له دې کبله ګران دي چې کسان له درېیو تر اتو مترو لاندې تر خاورو لاندې شوي دي. په اندونیزیا کې د بارانونو موسم د سپتمبر له میاشتې پیل شوی او تر اپرېل پورې به دوام وکړي چې شدیدو بارانونو د سویلي اسیا په دغه هېواد کې د سېلابونو ګواښ ډېر کړی دی.