اوکراین؛ روسیه پر پلازمینه کېف له برید په شا شوې ده

د امریکا ددفاع وزارت وايي دمګړی روسيې د پلازمینې کېف پر ځای په ختیزو سیمو کې خپل سرتېري متمرکز کړي دي. د روسیې د دفاع وزارت هم وایي چې د دوی د جګړې لومړۍ مرحله بشپړه شوه او اوس په دونباس سیمه کې تصفیوي عملیات پيلوي. اوکرایني ځواکونه بیا وایي روسان په شا شوي او دوی به له لاسه وتلو سیمو د بېرته نیولو لپاره عملیات پيل کړي. دا شاتګ داسې مهال رامنځ ته کېږي چې د اروپايي ټولنې د ځینو غړو هېوادونو تازه نظامي مرستې اوکراین ته پر لار دي چې ښايي روسي ځواکونو ته سختې خطرناکې پایلې ولري.