اوکراین ته د آلمان ۱۸لیوپارډ ټانکونه رسېدلي دي

آلماني رسنیو ویلي چې د دغه هېواد ۱۸لیوپارډ ټانکونه اوسمهال په اوکراین کې دي، چې وړاندې برلین د دغو ټانکونو د ورکړې ژمنه کړې وه. تر دې وړاندې د آلمان د دفاع وزیر «بوریس پیستوریوس» ویلي وو، فکر نه کوي چې د اوکراین جګړه دې ژر پای ته ورسېږي، نو ځکه اړتیا ده چې د دغه هېواد ملاتړ وشي. نوموړي زیاته کړې، هغه ټانکونه چې دوی له اوکراین سره ژمنه کړې، ټول به د روانې میاشتې تر وروستیو اوکراین ته ورسېږي او د دغه هېواد سرتېرو ته د ټانکونو د کارولو زده کړې ورکړل شوې دي. د آلمان دفاع وزیر ویلي وو چې هېواد به یې ۱۰۰لیوپارډ ټانکونه د روانې میاشتې تر وروستیو اوکراین ته واستوي. تر دې وړاندې د اوکراین دفاع وزیر او نورو چارواکو هم ویلي چې له روسیې سره د مبارزې لپاره ډېرو وسلو او مهماتو ته اړتیا لري.