بلوچستان کې د ماین چاودنې درې وروڼه وژلي

د راپورونو له مخې، د پاکستان د بلوچستان ایالت په دوکي ولسوالۍ کې د لاسي جوړ شوي ماین په چاودنه کې درې وروڼه وژل شوي او د هغوی یو خپلوان ټپي شوی دی. د «ډان» ورځپاڼې د راپور له مخې، پېښه پرون هغه مهال شوې چې د یادو کسانو پیک‌اپ موټر د «بختیرخان» سیمې ته څېرمه د اوبو له یوې ویالې څخه تېرېده. د دوکي پولیسو یو چارواکی منصور احمد وایي، ماین د ناپېژاندو کسانو له خوا ځای پر ځای شوی و او له لرې کنټرولېده.