بنګلدیش کې د یوې پراخې اورلګېدنې له امله شپاړس کسان وژل شوي دي. د راپورونو له مخې په بنګلدیش کې د کانټینرونو په یوه ستر ګودام کې اورلګېدنه رامنځ ته شوې ده چې د درنو مالي زیانونو تر څنګ یې ځاني زیانونه هم اړولي دي.
راپورونه وایي چې په دې اورلګېدنه کې ۱۶ کسان وژل شوي او تر ۱۵۰ پورې نور ټپیان دي. بنګالي چارواکي وایي دوی پر وخت د اور د کابو کولو هڅه کړې ده، خو دا چې اورلګېدنه پراخه وه نو زیانونه یې هم ډېر دي. تر اوسه د ټولټال اوښتو تلفاتو کچه نه ده په ډاګه شوې خو د پولیسو پلټنې په دې اړه روانې دي.
