د خبر له مخې، د امريکا خارجه وزير انتوني بلينکن په دې وروستيو کې په يوې اعلاميې کې ويلي، هېواد يې د روغتيا نړيوال سازمان هڅولی، چې د کتونکي په توګه د روغتيا په سږنۍ نړيوالې غونډې کې تايوان ته د ګډون بلنه ورکړي.
د چين د دولتي شورا د تايواني چارو دفتر وياند چن بين هوا د مې په ۳مه په دې اړه څرګنده کړه، چې د تايوان تنګي دواړه غاړې يوه کورنۍ ده. د چين حکومت تل د تايوان وطنوالو ګټو ته پام کړی او د يو چين په اصولو سره يې د روغتيا په نړيوالې غونډې کې د تايوان سيمې د ګډون په اړه مناسب ترتيبات کړي دي. خو د تايوان سيمې د ډيموکراتيک پرمختګ ګوند قدرت د خپلواکۍ په موخه اړوندې مسئلې ته سياسي رنګ ورکړی او هڅه يې کړې، چې د بهرنيو ځواکونو په مټ د روغتيا په سږنۍ نړيوالې غونډې کې خپلواکۍ غوښتونکي فعاليتونه تر سره کړي.
د نوموړي په خبره، د تېرو ۷ کلونو له واقعيتونو څخه څرګندېږي، چې دا لاره بيخي ناسمه ده او حتماً ناکمېږي.
( سپوږمۍ)
