د چين د سوداګرۍ وزارت وياند د اپریل په ۳مه نېټه د امريکا د متقابل تعرفو د اعلان په اړه خپل دريځ څرګند کړ.
هغه وويل، د امریکا حکومت د دغه هېواد د ختیځ پر وخت د اپرېل په دوهمه نېټه اعلان وکړ چې پر خپلو ټولو سوداګریزو شریکانو به “متقابل تعرفې” ولګوي.
ده زیاته کړه چې چین د امریکا د دې اقدام کلک مخالفت کوي او د خپلو حقونو او ګټو د ساتنې لپاره به قوي متقابل اقدامات وکړي.
نوموړي وويل، امريکا ادعا کوي چې په نړیواله سوداګرۍ کې یې زیان لیدلی او د “متقابل عمل” په اساس یې په ټولو سوداګریزو شریکانو تعرفې لوړې کړې.
دی وايي، د امریکا دا عمل د څو اړخیزو سوداګریزو خبرو اترو په اوږدو کې د ګټو د توازن په اړه له شوې موافقې سرغړونه ده او دا حقیقت هم له پامه غورځوي چې امريکا له اوږدې مودې راهیسې له نړیوالې سوداګرۍ څخه ډېره ګټه پورته کړې ده. د امریکا لخوا د شخصي او یو اړخیزو ارزونو پر بنسټ ټاکل شوي تش په نامه “متقابلې تعرفې” د نړیوالو سوداګریزو قوانینو سره سمون نه لري.
هغه وايي چې امریکا د اړوندو خواوو مشروع حقونو او ګټو ته په جدي توګه زیان رسوي او نورو ته د زیان رسولو ښکاره یو اړخیز عمل دی.
د چین د سوداګرۍ وزارت ویاند دغه راز ویلي چې د امریکا ډېری سوداګریزو شریکانو د واشنګټن له دې اقدام څخه سخته نارضایتي او څرګند مخالفت څرګند کړی دی.
دی وايي، چین له امریکا څخه غوښتي چې سمدلاسه د یو اړخیزو تعرفو اقدامات لغوه کړي او د مساواتو پر اساس ولاړو خبرو اترو له لارې له خپلو سوداګریزو شریکانو سره اختلافات په سمه توګه حل کړي.
