د چين د خلکو ازادي بښوونکي پوځ د ختيځ جنګي زون د اپريل له لومړۍ نېټې څخه د ځمکنيو، سمندري او هوايي ځواکونو په لېږلو سره د تايوان ټاپو په شاوخوا کې ګډ تمرينونه پيل کړي دي.
د چين د خارجه وزارت وياند ګوه جيا کون په همدې ورځ په يوې نوبتي خبري ناستې کې د چين ياد پوځي تمرينونه قانوني او معقول بللي او ويلي يې دي، چين د تايوان بېلتون غوښتونکو د ګواښولو، د حاکميت او ملي يووالي د ساتلو په پار دغه پوځي تمرينونه تر سره کړي دي.
هغه دا هم وويل، تايوان د چين د خاورو يوه نه بېلېدونکې برخه ده. د تایوان مسئله د چین په کورنيو چارو پورې اړه لري چې هېڅوک پکې مداخله نشي کولای. د تايوان د ډيموکراتيک پرمختګ ګوند اداره تل د تايوان د خپلواکۍ په لټه کې ده او د دغې ادارې هغه هڅه به هرو مرو ناکامه شي چې غواړي د بهرنيو ځواکونو په اتکا تايوان له چين څخه بېل کړي. د ده په خبره، چين به بالاخره ملي يووالی تر سره کړي.
